Festival Caboverdiano, no 82º Congreso do PEN Internacional

Ourense, 29 de setembro de 2016.- No marco da 82 edición do Congreso do PEN Internacional que se está a desenvolver durante estes días en Ourense, celebrouse esta tarde un Festival Caboverdiano, da man de Batuko Tabanka, no que un grupo de mulleres caboverdianas chegadas desde Burela, sorprenderon cos seus ritmos, danzas e gastronomía aos alí presentes.

Na xornada de mañá desprazaranse a Braga (Portugal), onde os participantes e delegados poderán asistir a unha visita guiada da cidade. Ás 12.00 horas serán recibidos na Camara Municipal de Braga polos membros do comité executivo do PEN Portugal. Tralo xantar, ás 17.00 horas, poderán gozar da Companhia de Teatro de Braga que representará "Um Picasso".