Presentación en FITUR do Plan de turismo do Concello de Ourense "El camino entre aguas"

Ourense, 23 de xaneiro de 2020.- O presidente da Deputación de Ourense, Manuel Baltar, participou hoxe en Madrid, no marco de FITUR 2020, na presentación do Plan de turismo do Concello de Ourense, que baixo o epígrafe "El Camino entre aguas", aúna na proposta turística da capital ourensá a súa oferta termal e a súa posición estratéxica nos camiños de Santiago e na tradición xacobea. O acto, no que se estreou un novo vídeo de promoción turística da cidade, contou tamén coa participación do alcalde de Ourense, Gonzalo Pérez Jácome, e a concelleira de Turismo e Termalismo, Flora Moure, entre outras autoridades e representantes institucionais.