A Deputación patrocina o encuentro Inspiro, que aposta polo encontro entre o tecido empresarial e o formativo

Ourense, 3 de maio de 2023.- O vicepresidente primeiro da Deputación, Rosendo Fernández, participou esta mañá na presentación de Inspiro, "o primeiro encontro interxeneracional entre o tecido empresarial e o ámbito formativo de Galicia e o norte de Portugal", que se celebrará en Expourense o vindeiro 11 de maio co patrocinio do goberno provincial. 

A iniciativa  inclúe conferencias de expertos, encontros de "speed networking" e a exposición dos traballos finalistas do Concurso de Proxectos Emprendedores.

Ademais de Rosendo Fernández, que resaltou a importancia de apoiar estes eventos para promocionar o talento, na presentación do programa actividades de Inspiro participou esta mañá o CEO de Dixital Gou, Pablo Sanmartín, e o director xerente de Expourense, Rogelio Martínez. 

O programa de conferencias do Encontro Inspiro está dispoñible na web do Encontro www.inspiro.es. Contará coa participación de 23 expertos que, seguindo o fío condutos do emprendemento e a innovación, abordarán temas transversais que abarcan sistemas de xestión da calidade, xestión do tempo, a igualdade nas empresas ou as claves para garantir a aprendizaxe na industria dixital.