Rosendo Fernández participa na presentación de Termatalia 2024 que reúne a destinos, empresas e profesionais do turismo de saúde de 25 países

O deputado de Representación Institucional, Rosendo Fernández, participou esta mañá en Expourense na presentación da 22ª edición de Termatalia, a Feira Internacional de Turismo Termal, Saúde e Benestar, que reúne a destinos, empresas e profesionais do turismo de saúde de 25 países.

Termatalia afronta a súa edición máis profesional apostando polo negocio no turismo termal e pola formación especializada aos que se sumarán, como é habitual, área expositiva e as actividades dirixidas ao público xeral.

A Feira celebrarase os días 26 e 27 de setembro con 100 expositores, 30 relatores e 28 touroperadores líderes nos mercados dos seus países de orixe.