Na sala de xuntas do Pazo Provincial terá lugar a presentación da Carreira Popular de Xinzo de Limia na que se disputará o XII Campionato de Galicia de 10 Km. en ruta. O acto contará coa participación do asesor de Deportes da Deputación, Bernardino González; do concelleiro de Deportes de Xinzo, Luis Miguel Gil; do técnico deportivo do Concello de Xinzo, Óscar Gómez; do vicepresidente primerio da Federación Galega de Atletismo, Eladio Gómez; e do Servizo Provincial de Deportes da Xunta, Manuel Pérez.