.- Na entrada do Edificio Politécnico do campus de Ourense terá lugar mañá martes, 15 de marzo, a inauguración da mostra A esfera da auga, dando comezo ás actividades que se desenvolverán con motivo da celebración o día 22 de marzo do Día Mundial da Auga. O acto contará coa presenza da deputada provincial, Montserrat Lama; o vicerreitor do campus de Ourense, Virxilio Rodríguez; a concelleira de Cultura, Educación e Participación Cidadá, María Belén Iglesias; e o profesor da Facultade de Ciencias, José Eugenio López Periago.