A Deputación colabora na celebración do Encontro Galego de Ciberseguridade

Ourense, 9 de novembro de 2022.- A Deputación de Ourense colabora coa organización do II Encontro Galego de Ciberseguridade, unha cita impulsada pola Xunta de Galicia a través do nodo CIBER.gal, e que se celebra hoxe e mañá na Cidade da Cultura de Santiago. 

O director da Área de Transparencia e Goberno Aberto da Deputación, Fernando Suárez, participou no encontro dentro da mesa redonda "Ciberseguridade: colaboración e sinerxías entre a administración pública galega".