A Deputación de Ourense apoia aos traballadores de Unitono

• A corporación provincial aprobou no pleno de hoxe unha declaración institucional que recolle o apoio dos grupos políticos aos traballadores de Unitono Ourense, e que se inste á empresa a garantir por escrito a carga de traballo e salarios.
• 
  
• En materia de Servizos Sociais aprobouse o Programa BenOurense Infancia – Servizos Complementarios de cooperación cos concellos.

Ourense, 26 de abril de 2019.- O pleno da Deputación de Ourense aprobou hoxe, na sesión ordinaria correspondente ao mes de abril, unha declaración institucional de apoio aos traballadores de Unitono Ourense, que desenvolven o seu traballo nas instalacións situadas no Parque Tecnolóxico de Galicia (Tecnópole). A declaración recolle o apoio dos grupos políticos que conforman o pleno da Deputación de Ourense a todos os traballadores de Unitono Ourense; que se inste a Unitono a garantir por escrito a carga de traballo e salarios de todos os traballadores de Unitono, ben derivando carga de traballo de outros centros para Ourense ou ben comprometéndose a non tomar ningunha medida de regulación de emprego contra o persoal de Unitono Ourense e volcar todos os seus esforzos en lograr novos clientes. Tamén recolle o acordo plenario pedir á compañía Naturgy a garantía do dereito dos galegos a seren atendidos en galego pola empresa prestadora do servizo de atención telefónica e contribuír asemade ao mantemento do emprego en Ourense; e instar a Unitono a constituír unha mesa de traballo plural na que se garanta a representación do comité de empresa, coa finalidade de desenvolver a colaboración para as actuacións necesarias para asegurar a carga de traballo que permita manter a actividade e os postos de traballo. E finalmente, solicitar da empresa Naturgy un compromiso firme e por escrito coa provincia de Ourense de manter a carga de traballo no centro de atención ao cliente de Unitono Ourense de forma duradeira.

Por outra banda, na sesión plenaria de hoxe aprobouse tamén, en materia de Servizos Sociais, o Programa BenOurense Infancia – Servizos Complementarios de cooperación cos concellos da provincia de menos de 20.000 habitantes, para a concesión de axudas para os servizos complementarios á infancia, referíndose a aqueles servizos de titularidade municipal que se desenvolven funcións de atención e coidado fóra da xornada ordinaria dos centros escolares para nenos de entre 3 e 12 anos.

Para este programa, que ten como obxectivo actuar como soporte e apoio ás familias contribuíndo á conciliación da vida laboral e familiar, a Deputación de Ourense destina un orzamento total de 125.000 euros. A través deste programa a Deputación de Ourense subvencionará gastos de persoal, gasto de mantemento dos centros e demais gastos inherentes aos servizos prestados dentro do "servizo complementario".

Os restantes acordo do pleno foron os seguintes:

EXPEDIENTE DE MODIFICACIÓN DE CRÉDITOS ORZAMENTARIOS E DAS BASES DE EXECUCIÓN DO ORZAMENTO DO EXERCICIO 2019 MEDIANTE A CONCESIÓN DE CRÉDITO EXTRAORDINARIO N.º 3/2019

Acordo:

1º.- Aprobar inicialmente a modificación de créditos do expediente n.º 3/2019, co seguinte detalle:

CRÉDITOS EXTRAORDINARIOS. GASTOS DE INVESTIMENTOS

RECURSOS UTILIZADOS

2º.- Aprobar a modificación, no que se refire á especificación do capítulo VII de gastos, experimentando a seguinte variación cualitativa:

a) Con cargo á aplicación orzamentaria 450.12/762.01 "Cooperación provincial. A Concellos subvencións", prevíase unha subvención ao Concello de Castro Caldelas para o saneamento en diversos núcleos por importe de 50.000,00 euros. En base á solicitude do Concello de Castro Caldelas de data 28 de marzo de 2019 e entrada no rexistro electrónico da Deputación o 29 de marzo de 2019 proponse o cambio da finalidade da subvención pasando a ser o de " Saneamento do núcleo dos Espiñeiros e arranxo de redes viarias nos núcleos de A Pola, Ventosa, Real da Pousa, Montemiau e Penelas"

450.12/762.01 "Cooperación provincial. A Concellos subvencións"

3º.- De acordo co artigo 169 da Lei reguladora das facendas locais, por remisión do artigo 177.2 do mesmo texto legal, o expediente será exposto ao público, tras o anuncio no Boletín Oficial da Provincia, por 15 días, durante os cales os interesados poderán examinalo e presentar reclamacións ante o Pleno. O expediente considerarase definitivamente aprobado se durante o citado prazo non se presentasen reclamacións.

EXPEDIENTE N.º 2/2019 DE MODIFICACIÓN ORZAMENTARIA DO INORDE PARA O EXERCICIO 2019

Acordo:

1º.- Aprobar a modificación de créditos do expediente, co seguinte detalle:

2º.- De acordo co artigo 169 da Lei reguladora das facendas locais, por remisión do artigo 177,2 do mesmo texto legal, o expediente seralle exposto ó público, tralo anuncio no Boletín Oficial da Provincia, por 15 días, durante os cales os interesados poderán examinalo e presentar reclamacións ante o Pleno. O expediente considerarase definitivamente aprobado, se durante o citado prazo non se presentasen reclamacións.

EXPEDIENTE N.º 3/2019 DE MODIFICACIÓN ORZAMENTARIA DO INORDE PARA O EXERCICIO 2019

Acordo:

1º.- Aprobar a modificación de créditos do expediente, co seguinte detalle:

2º.- De acordo co artigo 169 da Lei reguladora das facendas locais, por remisión do artigo 177,2 do mesmo texto legal, o expediente seralle exposto ó público, tralo anuncio no Boletín Oficial da Provincia, por 15 días, durante os cales os interesados poderán examinalo e presentar reclamacións ante o Pleno. O expediente considerarase definitivamente aprobado, se durante o citado prazo non se presentasen reclamacións.

DEFENSA DA AUTONOMÍA E DO PATRIMONIO LINGÜÍSTICO DE GALICIA

Acordo:

Reafirmar o seu compromiso co autogoberno de Galicia e co Estatuto de Autonomía para Galicia, facendo especial fincapé no seu artigo 5º ("A lingua propia de Galicia é o Galego").