A Deputación garda un minuto de silencio en lembranza das vítimas do terrorismo
Por este motivo, e en memoria de todas as vítimas do terrorismo e dos falecidos nos dramáticos sucesos acaecidos hai 21 anos en Madrid, o persoal do Pazo Provincial sumouse a esta lembranza
Ourense, 11 de marzo de 2025.
Con motivo da conmemoración do Día Europeo en Memoria das Vítimas do Terrorismo, a Deputación gardou un minuto de silencio nunha data que lembramos especialmente no noso país 21 anos despois dos terribles atentados que custaron a vida a 193 persoas en Madrid.
