Encontro de Manuel Baltar e as entidades organizadoras de Termatalia co ministro de Turismo de Arxentina, en FITUR

Ourense, 23 de xaneiro de 2020.- O presidente da Deputación de Ourense, Manuel Baltar, xunto con representantes das entidades que participan na organización de Termatalia 2020, mantivo hoxe na Feira Internacional de Turismo (FITUR), en Madrid, un encontro co ministro de Turismo de Arxentina, Matías Lammens. Na reunión participaron ademais o secretario xeral de Inprotur, Ricardo Sosa; a presidenta de Fehgra, Graciela Fresno; o secretario de Turismo de Entre Ríos, Gastón Irazusta; e a directora de Termatalia, Emma González.