Entrega de novos diplomas e placas de "Compromiso de Calidade Turística" no destino "Ourense Termal"

Ourense, 18 de marzo de 2024.- O Centro Cultural Marcos Valcárcel acolleu esta tarde unha xornada dirixida aos servizos turísticos do Destino SICTED Ourense Termal, impulsado no marco do Plan de Sustentabilidade Turística (PST).

O deputado de Turismo e Termalismo e presidente do Inorde, Rosendo Fernández, (como órgano da Deputación que xestiona este destino) fixo entrega de tres novos diplomas e placas de "Compromiso de Calidade Turística" aos últimos servizos distinguidos que foron a oficina municipal de Información Turística de Lobios; o apartahotel Arenteiro do Carballiño; e o apartamento turístico "A Fonte dous Xudíos" de Ribadavia. Con estas tres incorporacións, son xa 28 os servizos distinguidos ata o momento no destino Ourense Termal.

O PST en Ourense Termal engloba a 15 municipios termais rurais da provincia de Ourense e está impulsado pola Deputación de Ourense, co financiamento tamén da Axencia de Turismo de Galicia e a Secretaría de Estado de Turismo de España.