II Encontros de Educación desde o Compromiso co territorio

Ourense, 12 de abril de 2018.- O deputado provincial de Cultura, Manuel Doval, participou hoxe nos II "Encontros de Educación desde o Compromiso co Territorio. Achegamento ás experiencias de Desenvolvemento Rural", que tivo lugar na Facultade de Ciencias da Educación do Campus de Ourense. A xornada, organizada pola Facultade de Ciencias da Educación e polo CIFP Portovello de Ourense, reuniu a arredor de 400 inscritos dos dous centros para estreitar lazos, para intercambiar perspectivas e, sobre todo, para que coñeceran a realidade e experiencias de éxito de desenvolvemento educativo no rural.