Luis Menor, no programa “Gente Viajera” de Onda Cero desde A Rúa

A Rúa, 21 de outubro de 2023.- O presidente da Deputación de Ourense, Luis Menor, participou este mediodía no programa de radio "Gente Viajera", de Onda Cero, emitido hoxe desde o centro cultural Avenida de A Rúa.

Entrevistado polo director e presentador, Carles Lamelo, o presidente provincial puxo en valor o potencial da comarca de Valdeorras en ámbitos como a viticultura ou o desenvolvemento do chamado "turismo industrial", en pleno auxe a nivel mundial, co aproveitamento para este fin das explotación de lousa na comarca, sen deixar de falar do que o propio Luis Menor definiu como "o petróleo ourensán", en referencia ás posibilidades de desenvolvemento económico e social que ten o termalismo.