Marta Nóvoa pon en valor as políticas da Deputación de apoio aos emprendedores ante o Foro de Emprendemento Rural

Allariz, 12 de decembro de 2024 de 2024.

A vicepresidenta primeira da Deputación, Marta Nóvoa, participou esta mañá nunhas xornadas organizadas polo Foro de Emprendemento Rural. Destacou Nóvoa dobremente esta entrega de premios: "porque se destaca algo tan loable e necesario como é o emprendemento e faise con esa dificultade engadida, desde o rural".

Por iso transmitiu o seu agradecemento ao Foro Emprendemento no Rural por esta iniciativa, "que nos sitúa a Ourense como o epicentro do principal evento de España sobre emprendemento rural, ofrecendo unha oportunidade única para quen o impulsa dun modo innovador e proactive".

Destacou Marta Nóvoa que "se emprender xa é un acto de valentía de por si, facelo desde o rural ten ese plus que é digno de recoñecemento", e matizou que un dos grandes obxectivos dos alcaldes e alcaldesas que, coma ela mesma, o son de municipios rurais, é a loita contra o despoboamento, "por iso temos claro que a gran clave para logralo é a través do emprego".

Precisamente, Marta Nóvoa lembrou que o apoio ao emprendemento "é algo que temos claro na Deputación, onde desenvolvemos o programa EmprendOU, precisamente para axudar ás persoas que deciden emprender os seus negocios no rural da provincia, cunha liña específica "en feminino", para impulsar ás mulleres emprendedoras desde os pobos e aldeas de Ourense".