Presentación do libro do empresario Odilo Rodríguez, no centro cultural "Marcos Valcárcel"

Ourense, 29 de outubro de 2018.- O centro cultural "Marcos Valcárcel" acolleu esta tarde a presentación do libro Más fuerte que el hambre, do empresario e xerente do Grupo Alaska, Odilo Rodríguez, acto no que participou o presidente da Deputación de Ourense, Manuel Baltar, quen cualificou ao protagonista de "magnífico empresario e mellor persoa", destacando o interese da publicación, escrita por Fernando Salgado, "envolta coa elegancia e clase habitual das edicións de José Luis Teófilo".

Preto de duascentas persoas se deron cita neste espazo cultural da Deputación de Ourense para asistir á presentación da obra, que relata de maneira autobiográfica a infancia de Odilo Rodríguez en Quintela de Leirado e as súas posteriores estancias en Guinea Ecuatorial e Holanda, "unha historia persoal e profesional na que destaca a importancia da familia ao longo de toda a vida", expresou Odilo Rodríguez.