A vicepresidenta primeira da Deputación asiste, na sede da CEO, á presentación do Programa Lideramos da Xunta de Galicia

Ourense, 13 de xaneiro de 2024.- A vicepresidenta primeira da Deputación de Ourense, Marta Nóvoa, asistiu esta mañá na sede da Confederación de Empresarios de Ourense, á presentación do Programa Lideramos da Xunta de Galicia.

Trátase dun programa orientado ás directivas de Galicia, que ten como misión reforzar as súas habilidades de liderado e xestión eficiente de equipos, apoiándose na formación e o coaching como ferramentas clave para potenciar as habilidades brandas e o desenvolvemento profesional e persoal das directivas galegas.

O programa Liderados promove o fortalecemento de novos perfís profesionais, o desenvolvemento do talento, formación en habilidades e un compromiso transversal coa igualdade para mellorar as oportunidades de impulsar o crecemento do talento feminino.