A vicepresidenta primeira, Marta Nóvoa, inaugura a VII Xornada de Emprendemento organizada pola Escola Profesional Santo Cristo
Marta Nóvoa lembrou iniciativas que ten en marcha a Deputación para o fomento do empredemento, tales como o EmprendOU ou o programa de emprendemento OU Termal, así como outros programas como o “Xerando Redes +45”, desenvolto o pasado ano para mulleres de máis de 45 anos
Ourense, 19 de febreiro de 2025.-
O Centro Cultural Marcos Valcárcel acolleu esta mañá a inauguración da VII Xornada de Emprendemento organizada pola Escola Profesional Santo Cristo. Este acto estivo presidido pola vicepresidenta primeira da Deputación, Marta Nóvoa, que lembrou a importancia do emprendemento para a provincia, -“Ourense é terra de emprendedores”, dixo-, así como iniciativas para fomentalo que desenvolveu a Deputación, tales como o EmprendOU ou o programa de emprendemento OU Termal, así como outros programas como o “Xerando Redes +45”, desenvolto o pasado ano para mulleres de máis de 45 anos.
