Grupo Popular (PP)

A Deputación de Ourense quere liderar a posta en marcha do centro de interpretación da Vía da Prata-Camiño Mozárabe, polo que pedirá á Xunta de Galicia que inclúa nas accións de goberno que proxecte de cara ao Xacobeo 2021 a creación deste espazo na capital da provincia. Esta é a proposta que o grupo provincial popular levará ao pleno de abril “como pulo ao atractivo turístico que xera este camiño e que pon en valor o patrimonio histórico, cultural e natural de todas as zonas ourensás polas que discorre”, declarou o deputado de Cultura, Manuel Doval.

O grupo do Partido Popular na Deputación presentará no pleno de abril unha proposta para a creación dunha base da Unidade Militar de Emerxencias (UME) na provincia de Ourense, “por se tratar dunha das zonas máis castigadas polos incendios forestais, pola súa extensa liña fronteiriza con Portugal e a estratéxica situación da provincia, a pouco máis dunha hora de calquera punto da comunidade”, explicou o vicepresidente primeiro da institución, Rosendo Fernández.

O grupo popular pedirá o apoio da corporación provincial a unha iniciativa en defensa do Centro Galego de Bos Aires, lastrado por unha gran débeda económica, intervido polo goberno arxentino desde 2012 e, agora, pendente dunha posible venda, “o que supoñería a perda dun símbolo identitario da Galicia universal”, sinala o texto da moción que se presentará ao pleno ordinario de marzo.

O grupo provincial popular ven de presentar unha moción para o seu debate no pleno ordinario de febreiro na que pedirá o apoio da Deputación á lei de prisión permanente revisable, instando aos grupos políticos con representación no Congreso a que reconsideren a súa proposta de derogación desta reforma do Código Penal, en vigor desde xuño de 2015.

O grupo popular na Deputación de Ourense presentará no último pleno do ano unha iniciativa para a creación da Rede Provincial de Andainas, que servirá como ferramenta para a promoción turística, fomento da actividade deportiva non competitiva e dinamización do medio rural, incluíndo un capítulo destinado a potenciar a educación ambiental e animando aos sendeiristas a participar nestas actividades mediante a creación do pasaporte “AndOU”.

• Política Social

1-Reforzamento do Consello Social Provincial.

Elaborar un mapa de diagnose da provincia e un plan de reforzo do labor que desenvolven as distintas asociacións e entidades, caracterizado pola máxima participación e transparencia.

• Emerxencias

2-Formación en prevención de Incendios

O grupo provincial popular presentou esta mañá un decálogo de propostas de resolución que presentará ao pleno pleno extraordinario do debate sobre o estado da provincia, que a Deputación de Ourense celebrará o xoves, día 16. Un documento que recolle accións en materia de política social, turismo, identidade, cultura, dinamización económica, termalismo e cooperación, aínda que compre destacar a atención prestada a iniciativas relacionadas con actuacións no área de emerxencias.

O grupo provincial do Partido Popular presentou esta mañá unha moción de urxencia para o pleno de outubro na que propón crear unha comisión informativa especial e permanente “de incendios forestais e emerxencias”, con presenza dos grupos políticos representados na Deputación e, de se requerir como expertos, dos gobernos autonómico e central ou persoas e entidades vencelladas ao sector, a fin de coordinar información e plans de actuación.