Grupo Popular (PP)

O grupo provincial do Partido Popular proporá ao pleno da Deputación a creación dun programa de cooperación cos concellos que facilite o control e a eliminación do gas radón nas dependencias municipais. Unha iniciativa na que os populares tamén apostan pola colaboración coa Universidade de Santiago de Compostela, que mediante un convenio encargaríase da realización dos estudos previos para desenvolver o citado programa.

O grupo provincial popular ven de rexistrar unha moción para o seu debate en pleno para a avaliación e adopción de medidas, dentro das competencias da Deputación de Ourense, coas que paliar os danos causados polo pedrazo o pasado 6 de xullo na produción de pataca e cereal en varias zonas da Limia. 

A grave escaseza de precipitacións que está a sufrir desde hai meses a provincia de Ourense e a proximidade dun verán que, segundo as axencias de meteoroloxía, tamén se agarda seco e caloroso, é a premisa da que parte a moción presentada polo PP para poñer en marcha unha actuación urxente na contorna dos núcleos rurais para a súa protección fronte o elevado risco de incendios forestais.

O grupo provincial popular presentará mañá pola vía de urxencia unha moción para o seu debate no pleno ordinario de abril na que solicita á Xunta de Galicia a declaración de zona catastrófica para as catro denominacións de orixe da provincia, como consecuencia da seca dos últimos meses e das xeadas rexistradas nestes días. Condicións meteorolóxicas que se prevé que se poidan repetir nos vindeiros días, o que ocasionaría unha merma importante nas producións e nos rendementos que en moitos casos poderá chegar preto do 100 %.

- O grupo popular na Deputacion de Ourense ven de propoñer a creación dunha rede provincial de albergues que terá como principal obxectivo a dinamización económica das zonas do interior, así como a ordenación do alberguismo no territorio ourensán. Así consta na moción que os populares rexistraron esta mañá para o seu debate no pleno que a Deputación celebrará a finais do presente mes.

A proposta dun estudo de implantación dunha taxa pola ocupación de dominio público local ás empresas eléctricas e de gas, así como a necesidade de aprobar canto antes os orzamentos xerais do Estado para facilitar a xestión dos concellos, son os eixos de senllas mocións que o grupo provincial do PP ven de presentar para o seu debate no pleno de marzo da Deputación. O portavoz popular, Plácido Álvarez, e a deputada de Transparencia e Goberno Aberto, Monserrat Lama, foron os encargados de dar a coñecer esta mañá en rolda de prensa os detalles de ambas as dúas propostas.

O innegable potencial cultural e turístico da provincia de Ourense son unha realidade chamada a se converter nun eixo de desenvolvemento económico e social do territorio. Partindo desta base, o grupo provincial do Partido Popular rexistrou esta mañá unha moción para o seu debate no pleno ordinario de febreiro na que propón a elaboración dun plan de turismo cultural e creativo da provincia no que, entre outros aspectos, se poñan en valor os dez puntos ourensáns de excepcional valor turístico.

O grupo provincial do Partido Popular presentará no último pleno do ano unha proposta para consolidar o apoio ás escavacións e traballos de rehabilitación do campamento romano Aquis Querquennis, no Concello de Bande, mediante unha liña estable de colaboración económica que tería carácter plurianual.

O grupo popular pedirá o apoio da corporación provincial no próximo pleno da Deputación para instar ao Ministerio de Fomento a que, en coherencia con todos os pasos administrativos dados, “proceda nesta lexislatura a continuar avanzando na execución da proxectada variante ferroviaria entre Taboadela e Ourense”.