- O presidente da Deputación de Ourense, Manuel Baltar, e o músico Carlos Núñez, presentarán os concertos "Lugares máxicos", que ofrecerá o artista na provincia de Ourense. O acto terá lugar na sala de prensa do Pazo Provincial.
Axenda
O presidente da Deputación de Ourense, Manuel Baltar, participará na celebración da XI edición da "Festa da Palabra", que renderá homenaxe ao escritor Antón Tovar, falecido en Ourense en 2004. O acto terá lugar na Insua dos Poetas (A Esgueva, Madarnás, O Carballiño).
- Na aula Progreso do centro cultural "Marcos Valcárcel" terá lugar a presentación do Programa Verán Cultural de Nogueira de Ramuín. O acto contará coa participación do vicepresidente da Deputación de Ourense, Rosendo Fernández; e do alcalde e do concelleiro de Cultura de Nogueira de Ramuín, César Parente e Raúl Soto, respectivamente.
O presidente da Deputación de Ourense, Manuel Baltar, participará na inauguración do Museo do Viño de Galicia. O acto terá lugar en Camporredondo, 1, en Ribadavia.
Na aula Progreso do centro cultural "Marcos Valcárcel" terá lugar a presentación do X Certame Celtibérico de Bandas de Gaitas. O acto contará coa participación do vicepresidente da Deputación de Ourense, Rosendo Fernández; do director da Escola de Gaitas da Deputación, Xosé Lois Foxo; dos alcaldes de Manzaneda e Pobra de Trives, Amable Fernández e Patricia Domínguez; e do director de Oca Nova Manzaneda, Gustavo Samartín.
O presidente da Deputación de Ourense e presidente electo da Asociación de Cidades Históricas Termais de Europa (EHTTA), Manuel Baltar, ofrece unha rolda de prensa xunto aos integrantes da nova directiva desta rede termal europea: Giuseppe Bellandi (presidente saínte); os vicepresidentes Lorenzo Luccini, Hugo Oliveira e Éric Brut, e o presidente do comité científico, Paul Simons. O acto terá lugar na sala de prensa do Pazo Provincial (na pranta baixa do edificio da Deputación).
O vicepresidente da Deputación de Ourense, Rosendo Fernández, participa na mesa redonda "Xocas, no ronsel da Xeración Nós", xunto co presidente do Parlamento de Galicia, Miguel Santalices; o presidente do padroado do Museo do Pobo Galego, Justo Beramendi, e o director xeral de Políticas Culturais, Anxo Lorenzo, entre outros persoeiros. Lugar: Pazo Provincial (na antiga biblioteca da Deputación de Ourense).
Sesión extraordinaria no Pazo Provincial para a adopción dos acordos ditados en materia de organización da corporación provincial, e para a dación de conta da constitución dos grupos e das resolucións da Presidencia en materia organizativa.
O vicepresidente segundo da Deputación de Ourense, Armando Ojea, participa no acto de inauguración da XXII Feira do Viño de Valdeorras, que terá lugar na praza de Otero Pedrayo de Viloira, no Barco de Valdeorras.
O presidente da Deputación de Ourense, Manuel Baltar, e a directora da revista Galiciademoda, Belén Correa, presentan o número 15 desta publicación, nun acto que terá lugar no centro cultural "Marcos Valcárcel" da Deputación de Ourense.
Na sala de xuntas do Pazo Provincial terá lugar a presentación da III edición da Festa Histórica"1809 A Batalla" de Boborás. O acto contará coa participación do vicepresidente da Deputación de Ourense, Rosendo Fernández; da alcaldesa de Boborás, Patricia Torres; e da representante da Asociación 1809 A Batalla, Lidya Almonte.
- Na sala de xuntas do Pazo Provincial terá lugar a presentación do Campionato de España de Remo Olímpico. O acto contará coa participación do presidente do Inorde, Rosendo Fernández; da presidenta da Federación Española de Remo, Asunción R. Loriente; do presidente da Federación Galega de Remo, José Manuel Seijas; do secretario xeral para o Deporte, José Ramón Lete; do alcalde de Castrelo de Miño, Esteban Suárez; da presidenta do Club Náutico de Castrelo de Miño, Beatriz Alberte; e do director xeral de Caldaria, Javier Soto.
- O presidente do Inorde, Rosendo Fernández, e o secretario xeral para o Deporte da Xunta de Galicia, José Ramón Lete, asinarán un convenio de cooperación entre ambas administracións en materia deportiva. O acto terá lugar na sala de xuntas do Pazo Provincial.
- Na sala de xuntas do Pazo Provincial terá lugar a presentación da XXXII edición das "Noites Teatrais" de Vilamarín. O acto contará coa participación do vicepresidente da Deputación de Ourense, Rosendo Fernández; e do tenente de alcalde e da concelleira de Cultura de Vilamarín, Marcos Vázquez e Marina Rodríguez.
O presidente da Deputación de Ourense, Manuel Baltar, e o alcalde de Ourense, Gonzalo Pérez Jácome, reúnense mañá no Pazo Provincial, primeira xuntanza entre os máximos representantes da Deputación e do Concello de Ourense para analizar temas de cooperación institucional. (10.00 horas, SÓ GRÁFICOS, ao comezo da reunión, no despacho do presidente da Deputación. Ás 11.00 horas, aproximadamente, rolda de prensa conxunta na sala de xuntas do Pazo Provincial).
Na Aula Progreso do centro cultural "Marcos Valcárcel" terá lugar a presentación da XVI edición do Curso de Medios Audiovisuais de Celanova (CeMAC), coa participación do vicepresidente da Deputación de Ourense, Rosendo Fernández; do presidente da Fundación Carlos Casares, Xavier Casares; do alcalde de Celanova, Antonio Puga; da directora de Dinamización cultural do Campus de Ourense, Ana Torrado, e do director do CeMAC, Miguel Anxo Fernández.
.- Na sala de xuntas do Pazo Provincial terá lugar a presentación da obra de teatro sobre o Couto Mixto dentro das iniciativas sobre a Reserva da Biosfera Transfronteiriza Gerês-Xurés. O acto contará coa participación do vicepresidente da Deputación de Ourense, Rosendo Fernández; do representante da Asociación de Amigos do Couto Mixto, Xosé Manuel Cid; e do representante da Asociación Platea Lúa, Mary González, encargada da representación.
- O xurado da XV edición do Certame de Artes Plásticas da Deputación de Ourense para artistas menores de 30 anos, reunirase no hall do centro cultural "Marcos Valcárcel" para fallar o premio. O certame está dotado con 7.000 euros en premios en metálico, unha exposición e a edición dun catálogo coas obras seleccionadas. CONVOCATORIA SÓ PARA GRÁFICOS.
.- Sesión extraordinaria no Pazo Provincial do Pleno da Deputación de Ourense para a constitución da Corporación Provincial no mandato 2019-2023.
No centro cultural "Marcos Valcárcel" terá lugar a presentación da exposición "Retrospectiva", do autor Emilio Celeiro, xunto co catálogo da mesma. O acto contará coa participación do vicepresidente da Deputación de Ourense, Rosendo Fernández; do director do centro cultural, Francisco González; e do propio artista. A exposición será inaugurada ás 20.00 horas.