No Centro Cultural "Marcos Valcárcel" terá lugar a sinatura do convenio do "Plan Activamos – Transforma Ourense" 2019 entre a Deputación de Ourense e ABANCA. O acto contará coa participación do presidente da Deputación de Ourense, Manuel Baltar; do director de Banca Institucional de ABANCA, Santiago Novoa; e do director territorial de ABANCA en Ourense, Rubén Saavedra.
Axenda
Na sala de xuntas do Pazo Provincial terá lugar a presentación da XII edición do Festival "Pórtico do paraíso", acto no que participará o vicepresidente da Deputación de Ourense, Rosendo Fernández; o alcalde e a concelleira de Cultura de Ourense, Jesús Vázquez e Belén Iglesias; o director xeral de Políticas Culturais, Anxo Lorenzo; e o director do Festival, Juan Enrique Miguéns.
- O presidente da Deputación de Ourense, Manuel Baltar, reunirase coa directiva da asociación ASPANAS de Ourense e visitará os distintos talleres deste centro (rúa Batundeira, 13 – Velle).
O presidente da Deputación de Ourense, Manuel Baltar, participará no acto de inauguración de Xantar 2019, a Feira Internacional de Turismo Gastronómico, que se celebra do 6 ao 10 de febreiro, en Expourense.
O presidente da Deputación de Ourense, Manuel Baltar, participará na presentación da asociación de cociñeiros de Ourense, "Cociña Ourense", que terá lugar en Expourense, no marco da celebración de Xantar 2019.
- Na sala de prensa do Centro Cultural "Marcos Valcárcel" o presidente da Deputación de Ourense, Manuel Baltar, e os coordinadores da ICC Week, Juan Rivas e Manuel Araújo, presentarán un avance da Semana das industrias culturais e creativas, "Ourense ICC Week" 2019.
O Club Náutico de Castrelo de Miño acollerá a presentación de dúas probas de remo: o "Campeonato de España de Larga Distancia" e o "Campeonato de España de Seleccións Autonómicas", que se celebrarán os días 9 e 10 de febreiro. O acto contará coa participación do presidente da Deputación de Ourense, Manuel Baltar; do alcalde de Castrelo de Miño, Xurxo Rodríguez; do presidente da Federación Galega de Remo, Xosé Manuel Seijas; e da presidenta da Federación Española de Remo, Asunción R. Loriente.
O presidente da Deputación de Ourense, Manuel Baltar, participa en Madrid, xunto con Isaura Leal, alta comisionada do Goberno fronte ao Reto Demográfico, e a Manuel Campo Vidal, xornalista e presidente de Next, no foro de debate estatal sobre o reto demográfico que baixo o título: "Cohesión, vertebración e convivencia: unha estratexia para unha nova alianza rural-urbana", analizará as propostas que se estudan impulsar nos ámbitos tecnolóxico, sociolóxico, cultural e do emprego para facer fronte ao depoboamento do rural. O acto terá lugar na sede de Next International Business School (rúa Almagro 42, Madrid).
Na sala de prensa do Centro Cultural "Marcos Valcárcel" a deputada de Transparencia e Goberno Aberto, Montserrat Lama, dará conta dos acordos da Xunta de Goberno correspondente ao luns 28 de xaneiro de 2019.
- Sesión ordinaria no Pazo Provincial do Pleno da Deputación de Ourense correspondente ao mes de xaneiro de 2019.
O presidente da Deputación de Ourense, Manuel Baltar, presentará en Madrid, na Feira Internacional de Turismo (FITUR) 2019 dúas iniciativas de promoción turística da provincia de Ourense: ás 13.00 horas "Ourense, Turismo Intelixente"; e ás 13.30 horas, a campaña "Trens turísticos 2019". Lugar do acto: stand de Galicia en FITUR (Pavillón 9, parcelas 9C07 – 9C09: a entrada máis próxima é a Porta Norte situada ao carón do pavillón 9).
Na sala de xuntas do Pazo Provincial terá lugar a presentación da V edición da "Mascarada Ibérica", acto no que participará o deputado provincial de Cultura, Manuel Doval; o alcalde de Viana do Bolo, Secundino Fernández; a alcaldesa de Vilariño de Conso, Melisa Macía; a secretaria da asociación "Xuntos polo folión" de Vilariño de Conso, María José Domínguez; e o presidente de "Folións Rurais" de Viana, Jorge Domínguez.
No Centro Cultural "Marcos Valcárcel" terá lugar o acto de entrega do donativo coas achegas recadadas dentro da actividade "Cata a Arte" á Asociación de Fibromialxia e Fatiga Crónica de Ourense. No acto participarán o vicepresidente da Deputación de Ourense, Rosendo Fernández; o presidente da D.O. Ribeiro, Juan Casares; a representante da asociación de Fibromialxia, Marina Añel; e o director do Centro Cultural, Francisco González.
Na sala de xuntas do Pazo Provincial terá lugar a presentación do IX Certame Celtibérico de Bandas de Gaitas 1ª Fase, que contará coa participación do vicepresidente da Deputación de Ourense, Rosendo Fernández; da alcaldesa de Castro Caldelas, Sara Inés Vega; e do director da Real Banda de Gaitas, Xosé Lois Foxo.
Na sala de prensa do centro cultural "Marcos Valcárcel" terá lugar a presentación da asociación de cociñeiros de Ourense "Cociña Ourense". O acto contará coa participación do presidente da Deputación de Ourense, Manuel Baltar; e do presidente e vicepresidente da asociación, Miguel González e Marco Varela, respectivamente.
Na sala de prensa do Centro Cultural "Marcos Valcárcel" a deputada de Transparencia e Goberno Aberto, Montserrat Lama, dará conta dos acordos da Xunta de Goberno correspondente ao venres 11 de xaneiro de 2019.
No centro cultural "Marcos Valcárcel" da Deputación de Ourense terá lugar a presentación da exposición "Corpo, natureza e conciencia", do artista Alberto Pena. O acto contará coa participación do vicepresidente da Deputación de Ourense, Rosendo Fernández; do director do centro cultural, Francisco González; e do propio artista.
Na sala de xuntas do Pazo Provincial terá lugar a presentación da VI edición do "Festival Internacional Vibo Mask Mascarada Ibérica". O acto contará coa participación do vicepresidente da Deputación de Ourense, Rosendo Fernández; do alcalde de Viana do Bolo, Secundino Fernández; da alcaldesa de Vilariño de Conso, Melisa Macía; e do membro da asociación "Robleda" de Viana do Bolo, Jorge Domínguez.
A Deputación de Ourense organiza o acto "Castelao e Prada: Irmaus!", co gallo do 69 cabodano do ilustre galeguista Castelao, actuando como mantedor do acto o catedrático de Historia Contemporánea da USC e expresidente do Consello da Cultura Galega, Ramón Villares. No acto intervirán o presidente da Deputación de Ourense, Manuel Baltar, e o escritor e representante da familia Prada Allende, Luís González Tosar. A celebración será na Sala de Recepcións e Protocolo do Pazo Provincial (antiga Biblioteca), onde se atopan os restos mortais do galeguista Rodolfo Prada Chamochín.
Na sala de prensa do centro cultural "Marcos Valcárcel" terá lugar a presentación do "Estudo socioeconómico e Plan estratéxico da Denominación de Orixe Ribeiro". O acto contará coa participación do presidente da Deputación de Ourense, Manuel Baltar; e do presidente da D.O. Ribeiro, Juan Manuel Casares.