Axenda

O presidente da Deputación de Ourense, Manuel Baltar, e o director da Fundación "Democracia e Goberno Local", Ramón Camp, inauguran a VI Xornada sobre as deputacións do futuro, que nesta edición tratará o tema "Transparencia e protección de datos no ámbito local". A xornada desenvolverase no salón de actos do Centro Cultural "Marcos Valcárcel".

.- O presidente da Deputación de Ourense, Manuel Baltar, clausura a Asemblea Xeral Ordinaria da Asociación de Empresarios Polígono San Cibrao das Viñas. O acto terá lugar na sede da asociación (rúa Ricardo Martín Esperanza s/n, edificio Multiusos, Polígono de San Cibrao).

Na sala de xuntas do Pazo Provincial terá lugar mañá xoves, 8 de xuño, a reunión do xurado do Premio "Otero Pedrayo 2016" que avaliará as candidaturas presentadas ao certame. Convocatoria só para gráficos. Posteriormente enviaremos nota informativa.

Na sala de prensa do Centro Cultural "Marcos Valcárcel" o deputado provincial, Pablo Pérez, dará conta dos acordos da Xunta de Goberno correspondente ao xoves 8 de xuño de 2017.

Na sala de xuntas do Pazo Provincial terá lugar o vindeiro luns, 5 de xuño, a presentación da XXXII Xuntanza Internacional de Gaiteiros. O acto contará coa participación do vicepresidente da Deputación de Ourense, Rosendo Fernández; do director da Escola Provincial de Gaitas, Xosé Lois Foxo; e dos alcaldes do Bolo e de Monterrei, Manuel Corzo e José Luis Suárez, respectivamente.

- Na sala de xuntas do Pazo Provincial terá lugar a presentación das actividades deportivas "Xurés Experiences" da comarca da Baixa Limia. O acto contará coa participación do presidente da Deputación de Ourense, Manuel Baltar, e dos alcaldes de Muíños, Lobios, Entrimo, Lobeira e Bande.

- Na sala de xuntas do Pazo Provincial terá lugar a presentación da "Vespa history". O acto contará coa participación do vicepresidente da Deputación de Ourense, Rosendo Fernández; do presidente, tesoureiro e vogais do Club Vespa Lambretta Ourense, Julio Quintas, Camilo Vila, Rubén Amorín e Alberto Oliveira, respectivamente.

Na sala de prensa do Centro Cultural "Marcos Valcárcel" o presidente da Deputación de Ourense, Manuel Baltar, presentará a xornada sobre "Transparencia e protección de datos no ámbito local", que se celebrará o vindeiro 9 de xuño, organizada pola Deputación de Ourense e a Fundación "Democracia e Goberno Local".

- Na sala de prensa do Centro Cultural "Marcos Valcárcel" o deputado provincial, Pablo Pérez, dará conta dos acordos da Xunta de Goberno correspondente ao venres 2 de xuño de 2017.

- Na sala de xuntas do Pazo Provincial terá lugar mañá mércores, 31 de maio, a presentación da I BTT Solidaria do Concello de Boborás. O acto contará coa participación do deputado provincial de Deportes, Juan Anta; da tenente de alcalde de Boborás, Patricia Torres; e da presidenta da AECC de Ourense, Dora Gómez.

O presidente da Deputación de Ourense, Manuel Baltar, participará xunto ao vicepresidente da Xunta de Galicia, Alfonso Rueda; o alcalde do Carballiño, Francisco José Fumega, e o presidente do Consorcio Provincial de Incendios e Salvamento de Ourense, Pablo Pérez, na inauguración do parque de bombeiros do Carballiño.

O vicepresidente da Deputación de Ourense, Rosendo Fernández, participará na entrega de diplomas do curso 2016-2017 do Obradoiro de Instrumentos Musicais da Deputación de Ourense. O acto aberto ao público terá lugar no salón de actos do Centro Cultural "Marcos Valcárcel". Posteriormente, Germán Díaz ofrecerá unha conferencia/concerto sobre a zanfoña na Península Ibérica, e os alumnos do obradoiro presentarán unha mostra dos traballos feitos neste curso.

- Na sala de xuntas do Pazo Provincial terá lugar mañá mércores, 31 de maio, a presentación da I Semana Vitivinícola de Galicia. O acto contará coa participación do vicepresidente da Deputación de Ourense, Rosendo Fernández; do alcalde de Ourense, Jesús Vázquez Abad; e do director da Estación de Viticultura e Enoloxía de Galicia, Juan M. Casares.

Na sala de prensa do Centro Cultural "Marcos Valcárcel" da Deputación de Ourense terá lugar a presentación do 4º RallyMix da Gudiña. O acto contará coa participación do presidente da Deputación de Ourense, Manuel Baltar; do alcalde da Gudiña, José María Lago; e do director deportivo de HC Competición, Antonio Pérez.

Na sala de xuntas do Pazo Provincial terá lugar a presentación da 9ª edición da "Parroira Bike" da Merca. O acto contará coa participación do vicepresidente da Deputación de Ourense, Rosendo Fernández; do concelleiro de Deportes da Merca, José Manuel Tain; do presidente e do vogal da Agrupación Ciclista Doureiros, Alberto Tain e José Ribo, respectivamente.

Sesión ordinaria no Pazo Provincial do Pleno da Deputación de Ourense correspondente ao mes de maio de 2017.

- Na sala de prensa do Centro Cultural "Marcos Valcárcel" o deputado provincial, Pablo Pérez, dará conta dos acordos da Xunta de Goberno correspondente ao xoves 25 de maio de 2017.

- Na sala de xuntas do Pazo Provincial terá lugar a presentación da andaina en favor da Asociación de Fibromialxia, Fatiga crónica e Sensibilidade química múltiple de Ourense (AFFOU). No acto participarán o vicepresidente da Deputación de Ourense, Rosendo Fernández, e da presidenta de AFFOU, Marina Añel.

Na sala de prensa do Centro Cultural "Marcos Valcárcel" o presidente da Deputación de Ourense, Manuel Baltar, presentará os proxectos europeos do Programa POCTEC.

Na sala de prensa do Centro Cultural "Marcos Valcárcel" terá lugar mañá mércores, 24 de maio, a presentación do campamento "Explora Ourense 2017". O acto contará coa participación do presidente da Deputación de Ourense, Manuel Baltar; do alcalde de Muíños, Plácido Álvarez; e do representante de Sustinea, Paulo Vázquez.