Axenda

O presidente da Deputación de Ourense, Manuel Baltar, participará mañá xoves, 22 de marzo, na celebración dos días da Auga, da Árbore e da Poesía que terá lugar na "Insua dos Poetas", na Esgueva, Madarnás (O Carballiño). No acto participarán 250 alumnos dos centros públicos e privados da comarca do Carballiño.

.- Na sala de xuntas do Pazo Provincial terá lugar a presentación do VII Torneo Internacional "Ourense a provincia termal" de Ximnasia Rítmica. O acto contará coa participación do vicepresidente da Deputación de Ourense, Rosendo Fernández; do asesor de Deportes da Deputación, Bernardino González; e da presidenta do Club Marusia, Pili Cobelas.

- O presidente da Deputación de Ourense, Manuel Baltar, visita o CEIP Padre Crespo, de Xunqueira de Ambía, con motivo das actividades incluídas na cuarta edición da "Semana Escolar da Árbore e da Auga", que organiza a Deputación de Ourense, e na que participan máis de dez mil escolares da provincia de Ourense.

No Centro Cultural "Marcos Valcárcel" da Deputación de Ourense terá lugar a inauguración da exposición "Still Life" (foto fixa), da artista Sesé Santiso. O acto contará coa participación do vicepresidente da Deputación de Ourense, Rosendo Fernández; do director do Centro Cultural, Francisco González; e da propia artista.

Na sala de prensa do Centro Cultural "Marcos Valcárcel" terá lugar o vindeiro luns, 19 de marzo, a presentación da 4ª "Semana Escolar da Árbore e da Auga", unha actividade organizada pola Deputación de Ourense para conmemorar os Días Mundiais da Árbore e da Auga, que teñen lugar o 21 e 22 de marzo. Con esta finalidade a Deputación editou o libro-manual A invención do salgueiro en Ourensanía. O acto contará coa participación do presidente da Deputación de Ourense, Manuel Baltar; do autor do libro, Xosé Antonio Perozo; e do director xeral de Viaqua, Julio Armando Masid.

Na sala de prensa do Centro Cultural "Marcos Valcárcel" terá lugar a presentación do libro Agua, Dioses y Ciudad. Excavaciones arqueológicas en As Burgas (2005-2010), editado pola Deputación de Ourense. O acto contará coa participación do presidente da Deputación de Ourense, Manuel Baltar; e dos autores da publicación, Jose Mª Eguileta e Celso Rodríguez Cao.

Na sala de prensa do Centro Cultural "Marcos Valcárcel" a deputada de Transparencia e Goberno Aberto, Montserrat Lama, dará conta dos acordos da Xunta de Goberno correspondente ao venres 16 de marzo de 2018.

- Na sala de prensa do Centro Cultural "Marcos Valcárcel" da Deputación de Ourense terá lugar mañá venres, 16 de marzo, a presentación de "Xeovivenda Ourense". O acto contará coa participación do presidente da Deputación de Ourense, Manuel Baltar; do presidente da Asociación de Construtores de Ourense, Eligio Nieto; e do xerente da Fundación Laboral da Construción de Galicia, Fernando García.

Na Aula Progreso do Centro Cultural "Marcos Valcárcel" da Deputación de Ourense terá lugar mañá xoves, 15 de marzo, a presentación do nº 3 da revista "A Bugalla". O acto contará coa participación do vicepresidente da Deputación de Ourense, Rosendo Fernández; do secretario xeral de Política Lingüística, Valentín García; e do director do grupo "Queixumes dos Pinos", José Antonio Viñas.

Na sala de prensa do Centro Cultural "Marcos Valcárcel" da Deputación de Ourense terá lugar a presentación do proxecto de dinamización do Centro de Interpretación de Aquae Querquennae-Vía Nova. O acto contará coa participación do presidente da Deputación de Ourense, Manuel Baltar; e do alcalde de Bande, José Antonio Armada.

O presidente da Deputación de Ourense, Manuel Baltar; o presidente de Suzuki, Juan López Frade; e os pilotos do equipo de Rallyes, Javier Pardo e Adrián Pérez, presentarán mañá mércores, 14 de marzo, o equipo de rallyes Suzuki. O acto terá lugar no Balneario de Laias.

.- O presidente da Deputación de Ourense, Manuel Baltar, recibirá en San Pedro de Rocas, ao alumnado do IES Cidade de Antioquía de Xinzo de Limia que visitan a Ribeira Sacra, no marco do programa de difusión do patrimonio natural e arquitectónico-artístico para alumnos da E.S.O., "Coñece Ourense", que desenvolve a Deputación de Ourense.

- O presidente da Deputación de Ourense, Manuel Baltar, participará na presentación do videoclip "Este Vaise", do grupo Mílson´s, que promove a candidatura da Ribeira Sacra a ser recoñecida como Patrimonio da Humanidade pola UNESCO. O acto terá lugar no Castelo de Castro Caldelas.

O presidente da Deputación de Ourense, Manuel Baltar, visita xunto ao presidente da Xunta de Galicia, Alberto Núñez Feijóo, as instalacións do Centro Interxeneracional de Ourense (R/ Ramón Abellás, s/n. Barrio A Farixa).

- O presidente da Deputación de Ourense, Manuel Baltar, presidirá mañá venres, 9 de marzo, o acto de entrega da Medalla de Ouro da Provincia de Ourense, a título póstumo, a Carlos Casares, no Salón de Plenos do Pazo Provincial, coincidindo coa data que conmemora o 16º cabodano do intelectual ourensán.

- No Centro Cultural "Marcos Valcárcel" da Deputación de Ourense terá lugar mañá xoves, 8 de marzo, un acto con motivo do Día Internacional da Muller, no que participarán a deputada provincial de Igualdade, Teresa Cerdeira; a presidenta da Comisión de Igualdade da Deputación, Montserrat Lama; a adxunta de dirección da Área de Benestar e membro da Comisión de Igualdade, Montserrat Rodríguez, e alumnos dos colexios San José–Josefinas e Padre Feijóo-Zorelle de Ourense.

No Centro Cultural "Marcos Valcárcel" terá lugar a presentación da exposición "Hortus Conclusus", de Christian Villamide. O acto contará coa participación do vicepresidente da Deputación de Ourense, Rosendo Fernández; do director do Centro Cultural, Francisco González; e do propio artista. A mostra será inaugurada ás 20.15 horas.

O vicepresidente da Deputación de Ourense, Rosendo Fernández, participará na presentación das actividades organizadas pola Asociación para a Loita contras as Enfermidades Renais (Alcer Ourense) para o "Día Mundial do Ril". O acto terá lugar no Centro Cultural "Marcos Valcárcel" da Deputación de Ourense.

Na Escola de Gaitas da Deputación de Ourense terá lugar mañá mércores, 7 de marzo, a presentación da "Gaita do mes". O acto contará coa participación do vicepresidente da Deputación de Ourense, Rosendo Fernández; do deputado provincial de Cultura, Manuel Doval; e do director da Escola Provincial de Gaitas, Xosé Lois Foxo. No evento actuará Liana Sharifian intérprete de Ney-anban (gaita de Irán).

O deputado provincial de Cooperación, Pablo Pérez, e o vicepresidente da Federación de entidades de equipamento para a seguridade vial, Sergio Corredor, participan na apertura do Seminario sobre seguridade e equipamento vial que terá lugar no Centro Cultural "Marcos Valcárcel" da Deputación de Ourense.