Axenda

.- Na sala de prensa do Centro Cultural "Marcos Valcárcel" o deputado Juan Anta dará conta dos acordos da Xunta de Goberno correspondente ao venres 2 de outubro de 2015.

.- O vicepresidente da Deputación de Ourense, Rosendo Fernández, recibe na Sala de Xuntas do Pazo provincial a membros do Círculo Poético Ourensán, que visitan o Pazo Provincial acompañados de poetas de distintos países que participan no "VI Encontro Internacional de Poesía" que se celebra en Ourense co-organizado pola Deputación.

.- O presidente da Deputación de Ourense, Manuel Baltar, participa na asamblea de Partenalia, asociación de gobernos locais intermedios de europeos, que se celebrara no Pazo Provincial da Deputación de Castellón, coa presenza de representantes de administracións locais de España, Francia Bélxica, Italia, Reino Unido e Croacia.

.- O presidente da Deputación de Ourense, Manuel Baltar, ofrece unha conferencia na tribuna "Fórum Europa Tribuna Galicia", que organiza Nueva Economía Fórum, titulada "Reformulando a política provincial". O acto terá lugar no Parador dos Reis Católicos, de Santiago de Compostela.

.- Na Sala de Xuntas do Pazo Provincial terá lugar a presentación da 6ª edición de Parroira-Bike. O acto contará coa presenza do vicepresidente da Deputación de Ourense; Rosendo Fernández, o asesor de Deportes, Bernardino González; o concelleiro de Deportes da Merca, José Manuel Taín, e o socio fundador do Club Ciclista Endoireiros, Javier Soto.

.- O presidente da Deputación de Ourense, Manuel Baltar, participa nos actos de conmemoración do 50º aniversario do Polígono industrial de San Cibrao das Viñas, que terán lugar ás 18.30 horas xunto ao edificio Multiusos da Asociación de Empresarios do Polígono coa inauguración da "Arboreda do Tempo", e posteriormente, ás 20.30 horas, no Auditorio Municipal de Ourense, co acto de celebración do 50º aniversario.

.- O presidente do Inorde, Rosendo Fernández; o xerente da Área Comercial e Servizo de Atención ao Cliente de Renfe, Francisco Javier Díaz Trisac; e o xerente do Inorde, José Manuel Rodríguez, farán a viaxe no Tren Turístico Ruta do Viño Ribeira Sacra, enmarcado dentro do programa "Galicia a todo tren". Punto de encontro: estación de Ourense Empalme.

.- Sesión ordinaria no Pazo Provincial do Pleno da Deputación de Ourense correspondente ao mes de setembro de 2015.

.- O presidente da Deputación de Ourense, Manuel Baltar, participa en Expourense na presentación dun proxecto solidario internacional, no ámbito da feira "Termatalia".

.- O presidente da Deputación de Ourense, Manuel Baltar, participa mañá xoves ás 11.00 horas, na inauguración da 15º edición de Termatalia en Expourense.

.- O presidente da Deputación de Ourense, Manuel Baltar, participa na homenaxe ao deportista Pablo Rodríguez, tricampión de España de BTT, que terá lugar no Pavillón Municipal de Deportes do Concello de Maceda.

.- Na sede da Asociación de Empresarios do Polígono de San Cibrao, terá lugar mañá mércores, 23 de setembro, a presentación do programa de actos do 50º aniversario do polígono industrial de San Cibrao das Viñas. No acto participarán o vicepresidente da Deputación de Ourense, Rosendo Fernández; o alcalde de San Cibrao, Manuel Pedro Fernández; o presidente da Asociación de Empresarios do polígono, Elías Mera; e o delegado territorial da Xunta en Ourense, Rogelio Martínez.

O vicepresidente da Deputación de Ourense, Rosendo Fernández, participa na presentación da 31ª edición do Día da Bici. O acto terá lugar na Sala de Xuntas do Pazo Provincial.

- O presidente da Deputación de Ourense, Manuel Baltar, ofrecerá mañá na Sala de Prensa do Centro Cultural "Marcos Valcárcel" unha rolda de prensa, trala súa elección como membro da Xunta de Goberno da Federación Española de Municipios e Provincias (FEMP).

.- O presidente da Deputación de Ourense, Manuel Baltar, reúnese mañá na estación de montaña de Cabeza de Manzaneda con destacados empresarios ourensáns dos principais sectores económicos da provincia de Ourense. A xuntanza ten como obxectivo potenciar as liñas de colaboración entre o goberno provincial e o empresariado para levar a cabo proxectos de cooperación que xeren competitividade e emprego na provincia. Convocatoria SÓ PARA GRÁFICOS.

O presidente da Deputación de Ourense, Manuel Baltar, asiste mañá en Madrid ao XI Pleno da Federación Española de Municipios e Provincias (FEMP), que se celebra no Pazo Municipal de Congresos de Madrid. Neste encontro serán elixidos os novos órganos de goberno (Xunta de Goberno, Consello Territorial, presidente e vicepresidente) deste organismo e marcaranse as pautas para o traballo da FEMP ao longo dos próximos catro anos.

O presidente da Deputación de Ourense, Manuel Baltar, participa mañá venres na rúa do Paseo de Ourense na inauguración da exposición "Somos unha cidade de Basquet", organizada polo xornal La Región para poner en valor o ascenso do COB á ACB e recoñecer o movemento de apoio e comunión entre afección e equipo.

- O presidente da Deputación de Ourense, Manuel Baltar, e o presidente do CRDO Ribeiro, Miguel Ángel Viso Diéguez, presentan a aplicación para realizar o control e certificación de vendima, integrado no sistema de xestión integral automatizado do CRDO Ribeiro. O acto terá lugar na explanada superior da adega Viña Costeira, en Ribadavia.

.- No Salón de Actos do Centro Cultural "Marcos Valcárcel" terá lugar a tradicional entrega de axudas a deportistas ourensáns por parte da Deputación de Ourense. Nesta edición, por primeira vez, terá lugar o recoñecemento a un técnico deportivo ourensán de disciplinas individuais.

.- En Expourense o vicepresidente da Deputación de Ourense, Rosendo Fernández, participa na presentación da 15ª Feira Internacional do Turismo Termal, Saúde e Benestar "Termatalia".