Sesión ordinaria no Pazo Provincial do Pleno da Deputación de Ourense correspondente ao mes de febreiro de 2016.
Axenda
.- O xurado do XIII Premio "Pura e Dora Vázquez" de literatura infantil e xuvenil, que organiza a Deputación de Ourense, reuniranse na Sala de Xuntas do Centro Cultural "Marcos Valcárcel" para emitir o seu ditame. Convocatoria só para gráficos. Posteriormente enviaremos nota informativa.
.- O presidente da Deputación de Ourense, Manuel Baltar, participa mañá martes, 23 de febreiro, na reunión da Xunta de Goberno da Federación Española de Municipios e Provincias (FEMP), que terá lugar na sede deste organismo, na rúa Nuncio nº 8, de Madrid.
.- A Real Banda de Gaitas da Deputación de Ourense actuará o vindeiro domingo, 21 de febreiro, ás 19.00 horas, na cerimonia de clausura da Copa do Rei de Baloncesto que se celebrará no Coliseum da Coruña. A Real Banda de Gaitas acudirá nesta ocasión cunha formación de sesenta compoñentes e interpretará en coreografía as melodías Marcha do Entrenzado de Allariz, Muiñeira de Chantada e a Muiñeira da Ponte de Sampaio.
.- Na sala de prensa do Centro Cultural "Marcos Valcárcel" a deputada de Transparencia e Goberno Aberto, Montserrat Lama, dará conta dos acordos da Xunta de Goberno correspondente ao venres 12 de febreiro de 2016.
.- Na sala de prensa do Centro Cultural "Marcos Valcárcel" terá lugar a presentación do libro Pai Miño. O río de ríos de Galicia, de Xerardo Neira. O acto contará coa presenza do presidente da Deputación de Ourense, Manuel Baltar; o autor do libro, e a editora de Xurdir Edicións, Carmen Vázquez.
.- Na Sala de Xuntas do Pazo Provincial da Deputación de Ourense, terá lugar mañá xoves, 11 de febreiro, a presentación do Cross de Ribadavia 2016. O acto contará coa presenza do deputado provincial de Deportes, Juan Anta; o asesor de Deportes da Deputación de Ourense, Bernardino González; o alcalde de Ribadavia, Ignacio Gómez; o concelleiro de Deportes de Ribadavia, Ricardo González; o coordinador xeral do Cross de Ribadavia 2016, Eladio Gómez; e o presidente da Federación Galega de Atletismo, Isidoro Hornillos.
.- A Copa do Rei de Baloncesto 2016 estará exposta no Centro Cultural "Marcos Valcárcel" da Deputación de Ourense, o vindeiro luns, 8 de febreiro, onde poderá ser visitada en horario ao público de 11.00 a 14.00 horas e de 17.00 a 21.00 horas. Ás 12.00 horas, terá lugar a visita oficial do vicepresidente da Deputación de Ourense, Rosendo Fernández; do asesor de Deportes da Deputación, Bernardino González; e do director do centro cultural, Francisco González. Este ano, a Copa do Rei de Baloncesto disputarase na cidade da Coruña, entre os días 18 e 21 de febreiro.
.- Na sala de prensa do Centro Cultural "Marcos Valcárcel" terá lugar mañá xoves, 4 de febreiro a presentación do concerto que ofrecerá o grupo "Os Resentidos". O acto contará coa participación do presidente da Deputación de Ourense, Manuel Baltar; do fundador e líder de "Os Resentidos", Antón Reixa; e do presidente da Asociación cultural Liradavia, Iván Estévez.
.- O presidente da Deputación de Ourense, Manuel Baltar, inaugura na Aula Magna "José Ángel Valente" da Facultade de Empresariais de Ourense, o XXIII Encontro de Economía Pública.
.- Na Sala de Prensa do Centro Cultural "Marcos Valcárcel" terá lugar mañá xoves, 28 de xaneiro, a presentación da Web de Deportes da Deputación de Ourense. O acto contará coa presenza do presidente da Deputación de Ourense, Manuel Baltar; o deputado provincial de Deportes, Juan Anta; e o administrador da páxina web, Eladio Gómez.
.- Na Sala de Prensa do Centro Cultural "Marcos Valcárcel" terá lugar mañá mércores, 27 de xaneiro, a presentación de "ICCkids 2016", o novo proxecto da Deputación de Ourense dentro do programa da ICCWeek 2016 dirixido ao público infantil. O acto contará coa presenza do presidente da Deputación de Ourense, Manuel Baltar; o coordinador da ICCWeek, Juan Rivas; e a coordinadora da ICCkids, Cristina Blanco.
.- O vicepresidente da Deputación de Ourense, Rosendo Fernández, participa en Madrid na reunión da Comisión Executiva Extraordinaria e na VIII Asamblea Xeral da Federación Nacional de Asociacións e Municipios con centrais hidroeléctricas e embalses. O acto terá lugar no Salón Madrid do Hotel Weare Chamartín, rúa Agustín de Foxa, s/n (Madrid).
.- Na sala de prensa do Centro Cultural "Marcos Valcárcel" a deputada de Transparencia e Goberno Aberto e voceira da Xunta de Goberno, Montserrat Lama, dará conta dos acordos da Xunta de Goberno correspondente ao venres 22 de xaneiro de 2016.
.- Na sala de prensa do Centro Cultural "Marcos Valcárcel" terá lugar a presentación do "82º Congreso do PEN Internacional", que reunirá en Ourense a escritores de diferentes partes do mundo. A presentación contará coa participación do presidente da Deputación de Ourense, Manuel Baltar; o secretario xeral de Cultura da Xunta de Galicia, Anxo Lorenzo; o presidente do PEN Galicia, Luis González Tosar, e a concelleira de Cultura do Concello de Ourense, Belén Iglesias.
.- Na Sala de Xuntas do Pazo Provincial da Deputación de Ourense, o deputado provincial de Cooperación e Seguimento do Plan de Mandato 2015-2019, Pablo Pérez, ofrecerá unha rolda de prensa para dar conta de temas de actualidade.
.- O presidente da Deputación de Ourense, Manuel Baltar, presenta na Feira Internacional de Turismo (FITUR), en Madrid, a iniciativa turística "Ourense, a provincia termal. Produtos turísticos innovadores". O acto terá lugr no Pavillón 9, no stand de Galicia, en IFEMA.
.- Na Escola Provincial de Gaitas da Deputación de Ourense, terá lugar unha conferencia titulada "Frauta Pastoril ou Pito Galego", a cargo do investigador lucense, Efraim Díaz. No acto tamén se presentará un audiovisual relativo á tradición en Galicia deste instrumento musical.
.- Na Sala de Prensa do Centro Cultural "Marcos Valcárcel" terá lugar mañá mércores 20 de xaneiro, ás 11.30 horas, a presentación do concerto da "ICC Fest 2016". O acto contará coa presenza do presidente da Deputación de Ourense, Manuel Baltar e os coordinadores da ICC Week, Juan Rivas e Manuel Araújo.
.- Na Sala de Xuntas do Pazo Provincial, terá lugar mañá, 19 de xaneiro, ás 11.00 horas, a presentación das xornadas "As montañas de Trevinca: paisaxes, patrimonios e propostas didácticas". O acto contará coa presenza da deputada provincial de Turismo, Ana Villarino; o alcalde da Veiga, Juan Anta; o catedrático do departamento de Xeografía da Universidade de Santiago de Compostela e organizador das xornadas, Valerià Paül Carril; e o representante da asociación de Hostalería e Turismo da Veiga, Antonio Fernández Pena.