Axenda

.- O presidente da Deputación de Ourense, Manuel Baltar; a congresista norteamericana, Loretta Sánchez; e o presidente da Fundación Advanced Leadership, Juan Verde, farán mañá sábado, 18 de xuño, un balance da primeira misión comercial USA-Ourense, na sala de xuntas do Pazo Provincial da Deputación de Ourense.

O presidente da Deputación de Ourense, Manuel Baltar, participa no Centro Cultural "Marcos Valcárcel" no acto de recepción aos empresarios norteamericanos que integran a misión comercial USA-Ourense, que se desenvolverá ao longo de dous días, 16 e 17 de xuño, en Ourense.

.- O presidente da Deputación de Ourense, Manuel Baltar e a deputada provincial de Transparencia e Goberno Aberto, Montserrat Lama, recibirán mañá martes, 14 de xuño, no Salón de Plenos, a 75 rapaces e rapazas de 5º de Primaria do Colexio de Maristas de Ourense, que realizarán un pleno infantil.

.- O deputado provincial de Cooperación, Pablo Pérez, asistirá mañá martes, ás 10.30 horas, á entrega de premios do "Certame Internacional de Relatos a Farixa 2016" que terá lugar no salón de actos do CIFP A Farixa.

.- Na Sala de Prensa do Centro Cultural "Marcos Valcárcel" terá lugar mañá martes, a presentación do "Cine de verán" da Deputación de Ourense. No acto participarán o presidente da Deputación de Ourense, Manuel Baltar; o director do proxecto Vida, Rubén Riós; e o actor protagonista de Vida, Óscar Rodríguez.

.- O presidente da Deputación de Ourense, Manuel Baltar, e o director xeral da "Vuelta a España", Javier Guillén, reuniranse na estación de montaña de Cabeza de Manzaneda cos alcaldes ourensáns por cuxos municipios discorrerán as etapas da "Vuelta a España" 2016, para dar conta dos datos relativos ao percorrido, seguridade, organización e retorno económico. Previamente, entre ás 11.00 horas e as 12.00 horas celebrarase unha ruta cicloturista entre Pobra de Trives e Manzaneda, coa participación do exciclista profesional Óscar Pereiro.

O "Tren Turístico da Ruta Ribeira Sacra" realizará a primeira viaxe da tempada 2016 na que participarán o presidente do Inorde, Rosendo Fernández; o xerente do Inorde José Manuel Rodríguez; a diretora de Turismo de Galicia da Xunta, Nava Castro; e directivos de Renfe. Declaracións aos medios: previamente á saída, no andén da Estación Ourense Empalme. Os xornalistas e gráficos que o desexen poderán realizar a viaxe desde a Estación Ourense Empalme ata Canaval, onde está prevista a chegada ás 10.30 horas. Na parada haberá un autobús que traslade de volta aos representantes dos medios ata a Estación Ourense Empalme.

A Escola Provincial de Danza celebrará no Teatro Principal de Ourense o festival de Fin de Curso 2015-2016, no que participarán 250 alumnos. Os membros da Escola, de idades comprendidas entre os 4 e 75 anos ofrecerán unha recompilación de pezas de música, canto e bailes tradicionais aprendidas durante o curso. A actividade da Escola continúa con diferentes actuacións previstas durante a tempada estival, entre as que destaca a participación no Festival Internacional de Folclore de Tarare-Lyon (Francia), que se celebrará entre os días 5 e 12 de xullo.

- O vicepresidente da Deputación de Ourense, Rosendo Fernández, asistirá á final da "Copa Deputación" de fútbol, que se disputará no estadio do Couto entre os equipos C.D. Arenteiro e C.D. Polígono S.C.

.- Na sala de prensa do Centro Cultural "Marcos Valcárcel" a deputada de Transparencia e Goberno Aberto, Montserrat Lama, dará conta dos acordos da Xunta de Goberno correspondente ao venres 10 de xuño de 2016.

.- Na sala de prensa do Centro Cultural "Marcos Valcárcel" terá lugar mañá venres, 10 de xuño, a presentación do campamento "Explora Ourense 2016". O acto contará coa participación do presidente da Deputación de Ourense, Manuel Baltar, e o representante de Sustinea, Paulo Vázquez.

.- O presidente da Deputación de Ourense, Manuel Baltar, e o presidente de Segittur, Antonio López de Ávila, inauguran a xornada sobre "Destinos turísticos intelixentes e comercialización de experiencias Spain.info", que se desenvolverá ao longo da mañá no balneario de Laias (Cenlle). Na xornada, organizada pola Deputación de Ourense e o Inorde, participan relatores do Ministerio de Industria, a través da sociedade estatal Segittur.

.- Na sala de xuntas do Pazo Provincial, terá lugar mañá mércores, 8 de xuño, a presentación de "Chandrexa Trail" 2016. No acto participarán o vicepresidente da Deputación de Ourense, Rosendo Fernández; o alcalde do Concello de Chandrexa de Queixa, Francisco Rodríguez; e o director da carreira, Diego Martínez.

.- Na sala de xuntas do Pazo Provincial, terá lugar a presentación da XXXI edición da "Xuntanza Internacional de Gaiteiros". O acto contará coa participación do vicepresidente da Deputación de Ourense, Rosendo Fernández; o deputado provincial de Cultura, Manuel Doval; o asesor de Cultura da Deputación, Aurelio Gómez Villar; o director da Escola Provincial de Gaitas da Deputación, Xosé Lois Foxo; e o alcalde do Concello de Monterrei, José Luis Suárez.

.- No Teatro Principal de Ourense terá lugar mañá martes, 7 de xuño, a presentación do spot oficial da "Vuelta a España" 2016. O acto contará coa participación do presidente da Deputación de Ourense, Manuel Baltar; o director xeral da "Vuelta", Javier Guillén; a directora de Turismo de Galicia, Nava Castro, e a artista Marta Sánchez. Declaracións aos medios ao remate do acto (aproximadamente ás 12.30 horas) no vestíbulo do teatro.

Na sala de prensa do Centro Cultural "Marcos Valcárcel" terá lugar a presentación do libro Dende Auria. Reflexións sobre arqueoloxía e historia, editado pola Deputación de Ourense e obra do historiador José María Eguileta Franco. O acto contará coa participación do presidente da Deputación de Ourense, Manuel Baltar, e do autor.

O vicepresidente da Deputación de Ourense, Rosendo Fernández, asistirá á final da Copa "Deputación" de fútbol, que se disputará no estadio do Couto entre os equipos U.D. Ourense e Paderne.

- Na sala de xuntas do Pazo Provincial, terá lugar mañá venres, 3 de xuño, a presentación da monografía sobre Santa Baia de Banga, e do número 14 da revista Porta da Aira. O acto contará coa participación do vicepresidente da Deputación de Ourense, Rosendo Fernández; o presidente do Grupo Francisco de Moure, Miguel Ángel González; e o autor do libro, José Manuel García.

- O vicepresidente da Deputación de Ourense, Rosendo Fernández, participará no acto de entrega das bolsas a deportistas ourensáns, correspondentes a 2015, que terá lugar no salón de actos do Centro Cultural "Marcos Valcárcel".

.- O vicepresidente da Deputación de Ourense, Rosendo Fernández, participará mañá xoves na presentación oficial do 49º Rallye "Ourense Termal", que terá lugar nos Xardíns das Burgas da capital ourensá.